-
ЛАЗЕР-ГҮЙЛТИЙН НӨХӨРСӨГ ТЭМЦЭЭН ЗОХИОН БАЙГУУЛАВ
Дэлхийн спортын сэтгүүлчдийн өдрийг тэмдэглэх хүрээнд (2023-07-02) Монголын орчин үеийн таван төрөлтийн холбоотой хамтран лазер-гүйлтийн нөхөрсөг тэмцээнийг холбооны гишүүд, сэтгүүлчдийн дунд зохион байгууллаа. Эмэгтэй 1. Г.Мөнхцэцэг (Champ media) – 2:18.61 2. Б.Онон (Overtime) – 2:42.84 3. Б.Бадамгарав (Зиндаа) – 2:59.19 Эрэгтэй 1. А.Эрхэмбаяр (Gogo.mn) – 1:15.10 2. Б.Мөнх-Эрдэнэ (Таван цагариг) – 1:16.00 3. Э.Харцага (Таван цагариг) – 2:02.94 Спортын сэтгүүлзүйг дэмжигч: БИЕИЙН ТАМИР, СПОРТЫН УЛСЫН ХОРОО СП ФАЛКОНС МИР МЕБЕЛЬ
-
МОНГОЛЫН ЖЮҮ ЖИЦҮГИЙН ХОЛБООТОЙ ХАМТАРЧ АЖИЛЛАНА
2023 оны Дэлхийн аварга шалгаруулах тэмцээнийг Улаанбаатар хотноо зохион байгуулах эрх авсан Монголын жюү жицүгийн холбоо, Монголын спортын сэтгүүлчдийн холбоотой хамтран ажиллахаар болж санамж бичигт үзэглэлээ. Уг үйл ажиллагаанд Монголын жюү жицүгийн холбооны гүйцэтгэх захирал О. Болд-Эрдэнэ, Монголын спортын сэтгүүлчдийн холбооны ерөнхийлөгч Б. Цагаанбаатар нар оролцсон бөгөөд хамтын ажиллагааны хүрээнд 2023 оны долдугаар сарын 14-20 ны өдрүүдэд Степпе аренад болох насанд хүрэгчдийн дэлхийн аварга шалгаруулах тэмцээнд Монголын спортын сэтгүүлчдийн холбооны “үзэгтэй тамирчид” нэгдэн ажиллахаар болов. Мөн олон улс, тив дэлхийн томоохон тэмцээний үеэр зохион байгуулагддаг “Залуу сэтгүүлч” хөтөлбөр уг тэмцээний үеэр хэрэгжих юм.
-
АЗИЙН НААДАМД УРИЛГААР ОРОЛЦОХ ШАЛГАРУУЛАЛТАД БҮРТГЭЖ БАЙНА
МҮОХ-ноос Азийн олимпын зөвлөлийн Youth Reporter төслийн хүрээнд спортын сэтгүүлч болох хүсэл эрмэлзэлтэй залуусын дунд шилдэг эсээ бичлэгийн уралдаан зарлаад буй. Ялагч болсон оролцогч нь “Ханжоу-2022” Азийн наадамд урилгаар оролцох ховорхон боломж бүхий шалгаруулалтын бүртгэл дуусахад хоёрхон хоног үлдлээ. Англи хэлний бичгийн болон ярианы өндөр чадвартай хүүхдүүд уралдааны удирдамжтай сайтар танилцаж, шалгаруулалтдаа амжиж бүртгүүлээд өөрийгөө сориод үзээрэй. Шалгаруулалтад 16-20 насны 30 хүүхэд оролцох бөгөөд 2023 оны 6 дугаар сарын 15-ны 17.00 цагийн дотор media@оlympic.mn хаягаар мэдээллээ илгээнэ үү.
-
СПОРТЫН СЭТГҮҮЛЧДИЙН ХОЛБООНЫ ЭРЭГТЭЙ БАГ ХҮРЭЛ МЕДАЛЬ ХҮРТЛЭЭ
Монголын Үндэсний шигшээ багуудын нэрэмжит Монголын Спортын холбоодын Сагсан бөмбөгийн аварга шалгаруулах тэмцээнд эрэгтэй 13 баг, эмэгтэй 4 багийн тамирчид өрсөлдсөнөөс Монголын Спортын сэтгүүлчдийн холбооны эрэгтэй баг хүрэл медаль хүртлээ. ● Эрэгтэй #1 Хөлбөмбөг #2 Рагби #3 Спортын сэтгүүлчдийн холбоо ● Эмэгтэй #1 Цана #2 Жүдо #3 Бокс
-
СПОРТ ХОЛБООДЫН САГСАН БӨМБӨГИЙН АВАРГА ШАЛГАРУУЛАХ ТЭМЦЭЭН ЭХЭЛЛЭЭ
Үндэсний шигшээ багийн нэрэмжит Монголын спорт холбоодын сагсан бөмбөгийн аварга шалгаруулах тэмцээнд Монголын Спортын сэтгүүлчдийн холбооны эрэгтэй, эмэгтэй баг оролцож байна. Тус тэмцээн энэ сарын 25, 26-ны өдрүүдэд Спортын төв ордонд болно. МССХ-ны түнш:PKF-IFS LLCМонгол Буйдан
-
АЗИ-НОМХОН ДАЛАЙН ОРНУУДЫН МАСТЕРУУДЫН СПОРТЫН НААДМААС МАНАЙ ТАМИРЧИН ХҮРЭЛ МЕДАЛЬ ХҮРТЭВ
Ази-Номхон далайн орнуудын Мастеруудын спортын наадам Солонгосын Жонбук хотноо зохион байгуулагдаж нийт 71 орны 14,000 гаруй тамирчид спортын 26 төрлөөр өрсөлдсөн байна. Тус наадмын гольфын төрөлд 10 гаруй улс орноос 35+, 45+, 55+, 65+, 75+ насны ангилалаар нийт 346 тоглогч оролцсон бөгөөд 45-55 насны ангилалд Монголын спортын сэтгүүлчдийн холбооны Дэмжигчдийн зөвлөлийн дарга А.Тамир амжилттай оролцон хүрэл медаль хүртлээ. Түүнчлэн, манай улсаас нийт 6 гольфчид оролцсон бөгөөд 1 мөнгө, 2 хүрэл медаль хүртжээ.
-
“ХИЛЧИН” СПОРТ ХОРООТОЙ ХАМТРАН АЖИЛЛАНА
“Хилчин” спорт хороо, Монголын спортын сэтгүүлчдийн холбоо хамтран ажиллах санамж бичигт үзэглэлээ. Хамтын ажиллагааны хүрээнд Хил хамгаалах ерөнхий газраар овоглосон тамирчин албан хаагчдыг хэвлэл мэдээллийн оролцоогоор дэмжин ажиллах, мэдээллийн бүх талын хамтын ажиллагаагаар хамтарч ажиллахаар болов.
-
“AIPS 85” ДАХЬ ИХ ХУРАЛД ОРОЛЦОВ
Олон Улсын Спортын сэтгүүлчдийн холбооны 85, Азийн спортын сэтгүүлчдийн холбооны 24 дэх удаагийн их хурал БНСУ-ын нийслэл Сөүл хотноо тавдугаар сарын 08-12-ны өдрүүдэд болж өнгөрлөө. Монголын спортын сэтгүүлчдийн холбооны ерөнхийлөгч Б.Цагаанбаатар, ерөнхий нарийн бичгийн дарга Д.Батжаргал, Азийн спортын сэтгүүлчдийн холбооны ерөнхийлөгчийн зөвлөх Ч.Отгонбаатар нарын хамт оролцлоо. Энэ удаа Олон Улсын Спортын сэтгүүлчдийн холбооны их хуралд 87 улс, Азийн спортын сэтгүүлчдийн холбооны их хуралд 25 улсын төлөөлөгчид оролцсон юм.
-
ХҮҮХДИЙН СПОРТЫН ЗУНЫ VII НААДАМ БАЯНХОНГОР АЙМАГТ ЗОХИОН БАЙГУУЛАГДАНА
Хүүхдийн спортын зуны VII наадмыг Баянхонгор аймаг 2023 оны 6 дугаар сарын 19-29 ны өдрүүдэд зохион байгуулна. Тэмцээн чөлөөт бөх, жүдо бөх, бокс, сагсан бөмбөг, сагсан бөмбөгийн 3×3, уран сайхны гимнастик, хөлбөмбөг, шатар, усан сэлэлт, крикет, буудлага, хүндийн өргөлт, волейбол, самбо бөх, уулын дугуй, ширээний теннис, байт харваа, гандбол, таеквондо, спорт бүжиг гэх 23 төрөлтөд зохион явуулах юм. Тэмцээнийг 14 заал танхим, талбайг хамруулан зохион байгуулахаар төлөвлөж байгаа бөгөөд одоогоор 7000 гаруй тамирчин өрсөлдөнө гэсэн судалгаа гарчээ. Тэмцээний бэлгэдлийг Монгол Улсын нэн ховор амьтан Мазаалайгаар төлөөлүүлэх бол хүүхдийн спортын наадмын бэлгэ тэмдэг Галхүү түүнийг дагалдах юм. Монгол Улсын хүүхдийн спортын олимп гэгддэг спортын наадамд Монгол Улсын засгийн газар, Олимп нийтийн…
-
“Допинггүй ирээдүй” сургалт уулзалт зохион байгуулав
Монголын спортын сэтгүүлчдийн холбоо, Champ Media байгууллагаас БТСУХ, Олимп нийтийн биеийн тамир спортын үндэсний хороотой хамтран “Допинггүй ирээдүй” сургалт уулзалтыг СТО-д зохион байгуулав. Сургалтанд спортын сэтгүүлчид, төрийн албан хаагчид, тамирчид, дасгалжуулагчид, допингийн эсрэг мэргэжилтнүүд, үндэсний бөхийн улсын цолтнууд, спортын холбоод, спорт хороодын төлөөлөл оролцлоо. Сургалтын үеэр Монгол Улсын Засгийн газраас 2022 оны 10 дугаар сарын 19-нд баталсан Допингийн эсрэг Үндэсний дүрэм, дүрмийг хэрэгжүүлэх төлөвлөгөө, допингийн хор хөнөөлийн талаар мэдээлэл сонсож, санал бодлоо солилцов. Уг сургалт уулзалтыг Дэлхийн допингийн эсрэг байгууллага WADA-гаас дэлхий даяар явуулдаг PLAY TRUE DAY 2023 аяны хүрээнд зохион байгуулж, допингийн эсрэг дүрмийн зөрчлөөс сэргийлэхэд дуу хоолойгоо нэмэрлэсэн юм. Уулзалт сургалтанд оролцсон нийт хүмүүстээ, ОНБТСҮХ-ны ажлын албаны дарга…
